garmi-e-shauque-e-nazaara ka asar toh dekho
khile jaate hain wo saaya-e-tar toh dekho
aise naadan bhi na the jan se guzarne waale
naaseho pand-garo raahguzar toh dekho
wo toh wo hai tumhein ho jaaegi ulfat mujh se
ik tum mire mahboob-e-nazar toh dekho
wo jo ab chaak gareban bhi nahi karte hain
dekhne waalo kabhi un ka jigar toh dekho
daaman-e-dard ko gulzaar bana rakkha hai
aao ik din dil-e-pur-khoon ka hunar toh dekho
subh ki tarah jhamakta hai shab-e-gham ka ufuque
faiz taabindagi-e-deeda-e-tar toh dekho
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai