dil mein ab yoon tire bhoole hue aate hain
jaise bichhde hue kaabe mein sanam aate hain
ek ik kar ke hue jaate hain taare raushan
meri ki taraf tere quadam aate hain
raqs-e-mai tez karo saaz ki lay tez karo
soo-e-mai-khana safeeraan-e-haram aate hain
kuchh hamin ko nahi ehsaan uthaane ka dimaagh
wo toh jab aate hain maail-b-karam aate hain
aur kuchh der na guzre shab-e-furqat se kaho
dil bhi kam dukhta hai wo yaad bhi kam aate hain
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai