darbaar mein ab satwat-e-shaahi ki alaamat
darban ka asa hai ki musannif ka qualam hai
aawaara hai phir koh-e-nida par jo bashaarat
tamheed-e-masarrat hai ki tool-e-shab-e- hai
jis dhajji ko galiyon mein liye phirte hain tiflan
ye mera gareban hai ki lashkar ka alam hai
jis se hai shahar ki deewar darakhshan
ye khoon-e-shaheedan hai ki zar-khana-e-jam hai
halqua kiye baithe raho ik shama ko yaaro
kuchh raushani baaqui toh hai har-chand ki kam hai
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai