chashm-e-maygoon zara idhar kar de
dast-e-qudrat ko be-asar kar de
tez hai aaj -e-dil saaqui
talkhi-e-mai ko tez-tar kar de
josh-e-wahshat hai tishna-kaam abhi
chaak-e-daaman ko ta jigar kar de
meri quismat se khelne waale
mujh ko quismat se be-khabar kar de
lut rahi hai miri mata-e-niyaaz
kaash wo is taraf kar de
faiz takmeel-e-aarzoo maaloom
ho sake toh yoonhi basar kar de
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai