aap ki yaad aati rahi bhar
chaandani dukhaati rahi raat bhar
gaah jalti hui gaah bujhti hui
sham-e-gham jhilmilaati rahi raat bhar
koi khushboo badalti rahi pairhan
koi tasweer gaati rahi raat bhar
phir saba saaya-e-shaakh-e-gul ke tale
koi quissa sunaati rahi raat bhar
jo na aaya use koi zanjeer-e-dar
har sada par bulaati rahi raat bhar
ek ummeed se dil bahalta raha
ik tamannaa sataati rahi raat bhar
Responses
No comments yet. Be the first to respond.
husn se dil laga ke hasti ki
har ghadi ham ne aatishin ki hai
subh gul ho ki shaam mai khana
madh us roo naaznin ki hai
shaikh se be haraas milte hain
ham ne tauba abhi nahi ki hai
zikr dozakh bayaan hoor w qusoor
baat goya yahin kahin ki hai
ashk toh kuchh bhi rang la na sake
khoon se tar aaj aastin ki hai
kaise maanin haram ke sahal pasand
rasm jo aashiquon ke din ki hai