zulf jo rukh par tire ai mehar-e-talaat khul gai
ham ko apni teera-rozi ki haqueeqat khul gai
kya tamaasha hai rag-e-laila mein dooba neshtar
fasd-e-majnoon baais-e-josh-e-mohabbat khul gai
ka sauda ik nigah par hai tiri thahra hua
narkh tu kya poochhta hai ab toh queemat khul gai
aaeene ko naaz tha kya apne roo-e-saaf par
aankh hi par dekhte hi teri soorat khul gai
thi aseeraan-e-quafas ko aarzoo parwaaz ki
khul gai khidki quafas ki kya ki quismat khul gai
tere aariz par hua aakhir -e-khat numood
khul gai aaeena-roo dil ki kudoorat khul gai
be-takalluf aae tum khole hue band-e-quaba
ab girah dil ki hamare fil-haqueeqat khul gai
baandhi zaahid ne tawakkul par kamar sau baar chust
lekin aakhir baais-e-susti-e-himmat khul gai
khulte khulte ruk gae wo un ko tu ne ai zafar
sach kaho kis aankh se dekha ki chaahat khul gai
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein