wo sau sau athakhton se ghar se baahar do quadam nikle
bala se us ki gar us mein kisi muztar ka dam nikle
kahan aansoo ke quatre khoon-e- se hain baham nikle
ye dil mein jama the muddat se kuchh paikaan-e- nikle
mire mazmoon-e-soz-e-dil se khat sab jal gaya mera
qualam se harf jo nikle sharar hi yak-qualam nikle
nikaal ai chaaraagar tu shauque se lekin sar-e-paikan
udhar nikle jigar se teer udhar qualib se dam nikle
tasawwur se lab-e-laalin ke tere ham agar ro dein
toh jo lakht-e-jigar aankhon se nikle ik raqam nikle
nahi darte agar hon laakh zindan yaar zindan se
junoon ab toh misaal-e-naala-e-zanjeer ham nikle
jigar par daagh lab par dood-e-dil aur ashk daaman mein
tiri mahfil se ham maanind-e-shama subh-dam nikle
agar hota zamaana gesu-e-shab-rang ka tere
miri shab-deez sauda ka ziyaada-tar quadam nikle
kaji jin ki tabeeat mein hai kab hoti wo seedhi hai
kaho shaakh-e-gul-e-tasweer se kis tarah kham nikle
shumaar ik shab kiya ham ne jo apne dil ke daaghon se
toh anjum charkh-e-hashtum ke bahut se un se kam nikle
khuda ke waaste zaahid utha parda na kaabe ka
kahin aisa na ho yan bhi wahi kaafir-sanam nikle
tamannaa hai ye dil mein jab talak hai dam mein dam apne
zafar munh se hamare naam us ka dam-b-dam nikle
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein