waaquif hain ham ki hazrat-e- aise shakhs hain
aur phir ham un ke yaar hain ham aise shakhs hain
deewaane tere dasht mein rakkhenge jab quadam
majnoon bhi lega un ke quadam aise shakhs hain
jin pe hon aise zulm o sitam ham nahi wo log
hon roz balki lutf o karam aise shakhs hain
yoon toh bahut hain aur bhi khoobaan-e--fareb
par jaise pur-fan aap hain kam aise shakhs hain
kya kya jafa-kashon pe hain un dilabron ke zulm
aison ke sahte aise sitam aise shakhs hain
din kya hai balki deejiye imaan bhi unhein
zaahid ye but khuda ki quasam aise shakhs hain
aazurda hoon adoo ke jo kahne pe ai zafar
ne aise shakhs wo hain na ham aise shakhs hain
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein