wan iraada aaj us quatil ke mein aur hai
aur yahan kuchh aarzoo bismil ke mein aur hai
wasl ki thahraawe zaalim toh kisi soorat se aaj
warna thahri kuchh tire maail ke dil mein aur hai
hai hilaal o badr mein ik noor par jo raushani
dil mein naaquis ke hai wo kaamil ke dil mein aur hai
pahle toh milta hai dildaari se kya kya dilruba
baandhata mansoobe phir wo mil ke dil mein aur hai
hai mujhe baad-az-sawaal-e-bosa khwaahish wasl ki
ye tamannaa ek is saail ke dil mein aur hai
go wo mahfil mein na bola pa gae chitwan se ham
aaj kuchh us raunaque-e-mahfil ke dil mein aur hai
yoon toh hai wo hi dil-e-aalam ke dil mein ai zafar
us ka aalam mard-e-saahab dil ke dil mein aur hai
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein