tufta-jaanon ka ilaaj ai ahal-e-daanish aur hai
ki aatish bala hai us ki sozish aur hai
kyoon na wahshat mein chubhe har moo b-shakl-e-neesh-tez
khaar-e- ki tere deewaane ki kaawish aur hai
mutribo ba-saaz aao tum hamaari bazm mein
saaz-o-saaman se tumhaari itni saazish aur hai
thookta bhi dukhtar-e-raz par nahi mast-e-alast
jo ki hai us faahisha par ghash wo faahish aur hai
taab kya ham-taab howe us se khursheed-e-falak
aaftaab-e-daagh-e-dil ki apne taabish aur hai
sab mita dein dil se hain jitni ki us mein khwaahishein
gar hamein maaloom ho kuchh us ki khwaahish aur hai
abr mat ham-chashm hona chashm-e-dariya-baar se
teri baarish aur hai aur us ki baarish aur hai
hai toh gardish charkh ki bhi fitna-angezi mein taaque
teri chashm-e-fitna-za ki lek gardish aur hai
but-parasti jis se howe haque-parasti ai zafar
kya kahoon tujh se ki wo tarz-e-parastish aur hai
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein