shamsheer-e-barahna maang ghazab baalon ki mahak phir waisi hi
joode ki gundhaawat quahar-e- baalon ki mahak phir waisi hi
aankhein hain katora si wo sitam gardan hai suraahi-daar ghazab
aur usi mein sharaab-e-surkhi-e-pan rakhti hai jhalak phir waisi hi
har baat mein us ki garmi hai har naaz mein us ke shokhi hai
quamat hai quayaamat chaal pari chalne mein phadak phir waisi hi
gar rang bhabooka aatish hai aur beeni shola-e-sarkash hai
toh bijli si kaunde hai pari aariz ki chamak phir waisi hi
nau-khez kuchein do ghuncha hain hai narm shikam ik khirman-e-
baareek kamar jo shaakh-e-gul rakhti hai lachak phir waisi hi
hai naaf koi girdaab-e-bala aur gol surin raanein hain safa
hai saaque bilorin sham-e-ziya paanw ki kafak phir waisi hi
mahram hai habaab-e-aab-e-rawan sooraj ki kiran hai us pe lipat
jaali ki kurti hai wo bala gote ki dhanak phir waisi hi
wo gaae toh aafat laae hai har taal mein lewe jaan nikaal
naach us ka uthaae sau fitne ghungaroo ki jhanak phir waisi hi
har baat pe ham se wo jo zafar karta hai lagaawat muddat se
aur us ki chaahat rakhte hain ham aaj talak phir waisi hi
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein