shaane ki har zaban se sune koi laaf-e-zulf
cheere hai seena ko ye moo-shigaaf-e-zulf
jis tarah se ki kaabe pe hai poshish-e-siyaah
is tarah is sanam ke hai rukh par ghilaaf-e-zulf
barham hai is quadar jo mire se zulf-e-yaar
shaamat-zada ne kya kiya aisa khilaaf-e-zulf
matlab na kufr o din se na dair o haram se kaam
karta hai dil tawaaf-e-izaar o tawaaf-e-zu़lf
naaf-e-ghazaal-e-chin hai ki hai naafa-e-tataar
kyoonkar kahoon ki hai girah-e-zulf naaf-e-zulf
aapas mein aaj dast-o-gareban hai roz o shab
ai mehar-wash zari ka nahi moo-e-baaf-e-zulf
kahta hai koi jeem koi laam zulf ko
kahta hoon main zafar ki musattah hai kaaf-e-zulf
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein