sab rang mein us ki mire shaan hai maujood
ghaafil tu zara dekh wo har aan hai maujood
har taar ka daaman ke mire kar ke tabarruk
sar-basta har ik khaar-e-bayaabaan hai maujood
uryaani-e-tan hai ye b-az-khilaat-e-shaahi
ham ko ye tire mein saamaan hai maujood
kis tarah lagaawe koi daaman ko tire haath
hone ko tu ab dast-o-garebaan hai maujood
leta hi raha raat tire rukh ki balaaein
tu poochh le ye zulf-e-pareshaan hai maujood
tum chashm-e-haqueeqat se agar aap ko dekho
aaeena-e-haque mein dil-e-insaan hai maujood
kahta hai zafar hain ye sukhan aage sabhon ke
jo koi yahan saahib-e-irfaan hai maujood
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein