quaroon utha ke sar pe suna ganj le chala
duniyaa se kya bakheel b-juz ranj le chala
minnat thi bosa-e-lab-e-sheerin ki mira
mujh ko soo-e--e-shakar ganj le chala
saaqui sambhaalta hai toh jaldi mujhe sambhaal
warna uda ke pan nasha-e-banj le chala
dauda ke haath chhaati pe ham un ki yoon phire
jaise koi chor aa ke ho naaranj le chala
chausar ka lutf ye hai ki jis waqt po pade
ham bar-chahaar bole toh bar-panj le chala
jis dam zafar ne padh ke ghazal haath se rakhi
aankhon pe rakh har ek sukhan-sanj le chala
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein