paan kha kar surma ki tahreer phir kheenchi toh kya
jab mira khoon ho chuka shamsheer phir kheenchi toh kya
ai muhawwis jab ki zar tere naseebon mein nahi
tu ne mehnat bhi pay-e-ikseer phir kheenchi toh kya
gar khinche seene se naawak rooh tu qualib se kheench
ai ajal jab khinch gaya wo teer phir kheenchi toh kya
kheenchata tha paanw mera pahle hi zanjeer se
ai junoon tu ne miri zanjeer phir kheenchi toh kya
daar hi par us ne kheencha jab sar-e-bazaar-
laash bhi meri pay-e-tashheer phir kheenchi toh kya
kheench ab naala koi aisa ki ho us ko asar
tu ne ai aah-e-pur-taaseer phir kheenchi toh kya
chahiye us ka tasawwur hi se naqsha kheenchana
dekh kar tasweer ko tasweer phir kheenchi toh kya
kheench le awwal hi se dil ki inaan-e-ikhtiyaar
tu ne gar ai aashique-e-dil-geer phir kheenchi toh kya
kya hua aage uthaae gar zafar ahsaan-e-aql
aur agar ab minnat-e-tadbeer phir kheenchi toh kya
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein