na do dushnaam ham ko itni bad-kha़ूi se kya haasil
tumhein dena hi hoga bosa kham-rooi se kya haasil
-aazaari ne teri kar diya bilkul mujhe be-dil
na kar ab meri -jooi ki dil-jooi se kya haasil
na jab tak chaak ho dil phaans kab dil ki nikalti hai
jahan ho kaam khanjar ka wahan sooi se kya haasil
buraai yaa bhalaai go hai apne waaste lekin
kisi ko kyoon kahein ham bad ki bad-gooi se kya haasil
na kar fikr-e-khizaab ai shaikh tu peeri mein jaane de
jawan hona nahi mumkin siyah-rooi se kya haasil
chadhaae aastin khanjar-b-kaf wo yoon jo phirta hai
use kya jaane hai us arabda-jooi se kya haasil
abas pamba na rakh daagh-e-dil-e-sozan pe tu mere
ki angaare pe hoga chaaraagar rooi se kya haasil
shameem-e-zulf ho us ki toh ho farhat mire dil ko
saba howega mushk-chin ki khushbooi se kya haasil
na howe jab talak insan ko dil se mel-e-yak-jaanib
zafar logon ke dikhlaane ko yaksooi se kya haasil
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein