mohabbat chahiye baaham hamein bhi ho tumhein bhi ho
khushi ho is mein yaa ho hamein bhi ho tumhein bhi ho
ghaneemat tum ise samjho ki is khum-khaane mein yaaro
naseeb ik-dam -e-khurram hamein bhi ho tumhein bhi ho
dilaao hazrat-e-dil tum na yaad-e-khat-e-sabz us ka
kahin aisa na ho ye sam hamein bhi ho tumhein bhi ho
hamesha chaahta hai dil ki mil kar keeje mai-noshi
mayassar jaam-e-mai-e-jam-jam hamein bhi ho tumhein bhi ho
ham apna ishq chamkaaein tum apna husn chamkaao
ki hairan dekh kar aalam hamein bhi ho tumhein bhi ho
rahe hirs-o-hawa daaim azeezo saath jab apne
na kyoonkar fikr-e-besh-o-kam hamein bhi ho tumhein bhi ho
zafar se kahta hai majnoon kahin dard-e-dil mahzoon
jo gham se fursat ab ik dam hamein bhi ho tumhein bhi ho
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein