mar gae ai waah un ki naaz-bardaari mein ham
ke haathon se pade kaisi giraftaari mein ham
sab pe raushan hai hamaari sozish-e- bazm mein
shama san jalte hain apni garm-baazaari mein ham
yaad mein hai tere dam ki aamad-o-shud pur-khayaal
be-khabar sab se hain is dam ki khabardaari mein ham
jab hansaaya gardish-e-gardoon ne ham ko shakl-e-gul
misl-e-shabnam hain hamesha girya o zaari mein ham
chashm o dil beena hai apne roz o shab ai marduman
garche sote hain b-zaahir par hain bedaari mein ham
dosh par rakht-e-safar baandhe hai kya ghuncha saba
dekhte hain sab ko yan jaise ki tayyaari mein ham
kab talak be-deed se yaa rab rakhein chashm-e-wafa
lag rahe hain aaj kal toh dil ki gham-khwaari mein ham
dekh kar aaeena kya kahta hai yaaro ab wo shokh
maah se sad chand behtar hain ada-daari mein ham
ai zafar likh tu ghazal bahar o quawaafi pher kar
khaama-e-dur-rez se hain ab guhar-baari mein ham
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein