main hoon aasi ki pur-khata kuchh hoon
tera bandaa hoon ai kuchh hoon
juzw o kul ko nahi samajhta main
mein thoda sa jaanta kuchh hoon
tujh se ulfat nibaahta hoon main
ba-wafa hoon ki bewfa kuchh hoon
jab se naa-aashna hoon main sab se
tab kahin us se aashna kuchh hoon
nashsha-e-ishq le uda hai mujhe
ab maze mein uda raha kuchh hoon
khawaab mera hai ain bedaari
main toh us mein bhi dekhta kuchh hoon
garche kuchh bhi nahi hoon main lekin
us pe bhi kuchh na poochho kya kuchh hoon
samjhe wo apna khaaksaar mujhe
khaak-e-rah hoon ki khaak-e-pa kuchh hoon
chashm-e-altaaf fakhr-e-din se hoon
ai zafar kuchh se ho gaya kuchh hoon
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein