kyoonki ham duniyaa mein aae kuchh sabab khulta nahi
ik sabab kya bhed wan ka sab ka sab khulta nahi
poochhta hai haal bhi gar wo toh maare sharm ke
ghuncha-e-tasweer ke maanind lab khulta nahi
shaahid-e-maqsood tak pahunchenge kyoonkar dekhiye
band hai baab-e-tamannaa hai ghazab khulta nahi
band hai jis khana-e-zindan mein tera
us ka darwaaza pari-roo roz o khulta nahi
dil hai ye ghuncha nahi hai is ka uqda ai saba
kholne ka jab talak aawe na dhab khulta nahi
ishq ne jin ko kiya khaatir-girafta un ka dil
laakh howe garche saamaan-e-tarab khulta nahi
kis tarah maaloom howe us ke dil ka muddaa
mujh se baaton mein zafar wo ghuncha-lab khulta nahi
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein