kyoonkar na khaaksaar rahein ahal-e-kin se door
dekho zamin falak se falak hai zamin se door
wasl-e-shama pe deta hai apni jan
kyoonkar rahe us ke rukh-e-aatishin se door
mazmoon-e-wasl-w-hijr jo naame mein hai raqam
hai harf bhi kahin se mile aur kahin se door
go teer-e-be-guman hai mire paas par abhi
jaae nikal ke seena-e-charkh-e-barin se door
wo kaun hai ki jaate nahi aap jis ke paas
lekin hamesha bhaagte ho tum hamin se door
hairaan hoon ki us ke muquabil ho aaeena
jo pur-ghuroor khinchata hai maah-e-mubin se door
yan tak adoo ka paas hai un ko ki bazm mein
wo baithte bhi hain toh mire ham-nashin se door
manzoor ho jo deed tujhe dil ki aankh se
pahunche tiri nazar nigah-e-door-bin se door
duniyaa-e-doon ki de na mohabbat khuda zafar
insan ko phenk de hai ye imaan o din se door
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein