kya kuchh na kiya aur hain kya kuchh nahi karte
kuchh karte hain aisa b-khuda kuchh nahi karte
apne maraz-e- ka hakeem aur koi hai
ham aur tabeebon ki dawa kuchh nahi karte
maaloom nahi ham se hijaab un ko hai kaisa
auron se toh wo sharm o haya kuchh nahi karte
go karte hain zaahir ko safa ahal-e-kudoorat
par ko nahi karte safa kuchh nahi karte
wo dilabri ab tak miri kuchh karte hain lekin
taaseer tire naale dila kuchh nahi karte
dil ham ne diya tha tujhe ummeed-e-wafa par
tum ham se nahi karte wafa kuchh nahi karte
karte hain wo is tarah zafar dil pe jafaaein
zaahir mein ye jaano ki jafa kuchh nahi karte
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein