khwaah kar insaaf zaalim khwaah kar bedaad tu
par jo fariyaadi hain un ki sun toh le fariyaad tu
dam-b-dam bharte hain ham teri hawa-khwaahi ka dam
kar na bad-khuon ke kahne se hamein barbaad tu
kya gunah kya jurm kya taqseer meri kya khata
ban gaya jo is tarah haque mein mire jallaad tu
quaid se teri kahan jaaenge ham be-baal-o-par
kyoon quafas mein tang karta hai hamein sayyaad tu
ko dil se raah hai toh jis tarah se ham tujhe
karte hain kare yoon hi hamein bhi yaad tu
dil tira faulaad ho toh aap ho aaeena-waar
saaf yak-baari sune meri agar roodaad tu
shaad o khurram ek aalam ko kiya us ne zafar
par sabab kya hai ki hai ranjeeda o naashaad tu
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein