karenge quasd ham jis dam tumhare ghar mein aawenge
jo hogi umr bhar ki toh dam bhar mein aawenge
agar haathon se us sheerin-ada ke zabh honge ham
toh sharbat ke se ghoont aab-e-dam-e-khanjar mein aawenge
yahi gar josh-e-girya hai toh bah kar saath ashkon ke
hazaaron paara-e- mere chashm-e-tar mein aawenge
gar is quaid-e-bala se ab ki chhootenge toh phir hargiz
na ham daam-e-fareb-e-shokh-e-ghaarat-gar mein aawenge
na jaate garche mar jaate jo ham maaloom kar jaate
ki itna tang ja kar koocha-e-dilbar mein aawenge
gareban-chaak laakhon haath se us mehar-e-talaat ke
b-rang-e-subh-e-mahshar arsa-e-mahshar mein aawenge
jo sargardaani apni tere deewaane dikhaaenge
toh phir kya kya bagoole dasht ke chakkar mein aawenge
zafar apna karishma gar dikhaaya chashm-e-saaqui ne
tamaashe jaam-e-jam ke sab nazar saaghar mein aawenge
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein