kaafir tujhe allaah ne soorat toh pari di
par haif tire mein mohabbat na zari di
di tu ne mujhe saltanat-e-bahar-o-bar ai
honton ko jo khushki miri aankhon ko tari di
khaal-e-lab-e-sheerin ka diya bosa kab us ne
ik chaat lagaane ko mire neeshakri di
kaafir tire sauda-e-sar-e-zulf ne mujh ko
kya kya na pareshaani o aashufta-sari di
mehnat se hai azmat ki zamaane mein nagin ko
be-kaawish-e-seena na kabhi naamawri di
sayyaad ne di rukhsat-e-parwaaz par afsos
tu ne na ijaazat mujhe be-baal-o-pari di
kahta tira kuchh sokhta-jan lek ajal ne
fursat na use misl-e-charaagh-e-sahri di
quassaam-e-azal ne na rakha ham ko bhi mahroom
garche na diya koi hunar be-hunri di
us chashm mein hai surme ka dumbaala pur-aashob
kyoon haath mein badmast ke bandooque bhari di
dil de ke kiya ham ne tiri zulf ka sauda
ik aap bala apne liye mol khareedi
saaqui ne diya kya mujhe ik saaghar-e-sarshaar
goya ki do aalam se zafar be-khabri di
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein