itna na apne jaame se baahar nikal ke chal
duniyaa hai chal-chalaaw ka rasta sambhal ke chal
kam-zarf pur-ghuroor zara apna zarf dekh
maanind josh-e- na ziyaada ubal ke chal
fursat hai ik sada ki yahan soz-e- ke saath
us par sapand-waar na itna uchhal ke chal
ye ghol-wash hain in ko samajh tu na rahnuma
saae se bach ke ahal-e-fareb-w-daghal ke chal
auron ke bal pe bal na kar itna na chal nikal
bal hai toh bal ke bal pe tu kuchh apne bal ke chal
insan ko kal ka putla banaaya hai us ne aap
aur aap hi wo kahta hai putle ko kal ke chal
phir aankhein bhi toh din hain ki rakh dekh kar quadam
kahta hai kaun tujh ko na chal chal sambhal ke chal
hai turfa amn-gaah nihan-khana-e-adam
aankhon ke roo-b-roo se tu logon ke tal ke chal
kya chal sakega ham se ki pahchaante hain ham
tu laakh apni chaal ko zaalim badal ke chal
hai shama sar ke bal jo mohabbat mein garm ho
parwaana apne dil se ye kahta hai jal ke chal
bulbul ke hosh nikhat-e-gul ki tarah uda
gulshan mein mere saath zara itr mal ke chal
gar quasd soo-e-dil hai tira ai nigaah-e-yaar
do-chaar teer paik se aage ajal ke chal
jo imtihaan-e-taba kare apna ai zafar
toh kah do us ko taur pe tu is ghazal ke chal
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein