ke haath se ab khaak pade jeene mein
ik aur utha aah naya seene mein
khoon-e-dil peene se jo kuchh hai halaawat ham ko
ye mazaa aur kisi ko nahi mai peene mein
dil ko kis shakl se apne na musaffa rakkhoon
jalwa-gar yaar ki soorat hai is aaeene mein
ashk o lakht-e-jigar aankhon mein nahi hain mere
hain bhare laal o guhar ishq ke ganjeene mein
shakl-e-aaeena zafar se toh na rakh dil mein khayaal
kuchh mazaa bhi hai bhala jaan miri lene mein
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein