hawa mein phirte ho kya hirs aur hawa ke liye
ghuroor chhod do ai ghaafilo ke liye
gira diya hai hamein kis ne chaah-e-ulfat mein
ham aap doobe kisi apne aashna ke liye
jahan mein chahiye aiwaan o quasr shaahon ko
ye ek gumbad-e-gardoon hai bas gada ke liye
wo aaeena hai ki jis ko hai haajat-e-seemaab
ik iztiraab hai kaafi -e-safa ke liye
tapish se dil ka ho kya jaane seene mein kya haal
jo tere teer ka rauzan na ho hawa ke liye
tabeeb-e-ishq ki dukkan mein dhoondate phirte
ye dardamand-e-mohabbat tiri dawa ke liye
jo haath aae zafar khaak-pa-e-fakhrooddeen
toh main rakhoon use aankhon ke tootiya ke liye
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein