ham ye toh nahi kahte ki kah nahi sakte
par jo sabab-e- hai wo ham kah nahi sakte
ham dekhte hain tum mein khuda jaane buto kya
is bhed ko allaah ki quasam kah nahi sakte
ruswa-e-jahan karta hai ro ro ke hamein tu
ham tujhe kuchh ai deeda-e-nam kah nahi sakte
kya poochhta hai ham se tu ai shokh sitamgar
jo tu ne kiye ham pe sitam kah nahi sakte
hai sabr jinhein talkh-kalaami ko tumhaari
sharbat hi bataate hain sam kah nahi sakte
jab kahte hain kuchh baat rukaawat ki tire ham
ruk jaata hai ye seene mein dam kah nahi sakte
allaah re tira rob ki ahwaal-e-dil apna
de dete hain ham kar ke raqam kah nahi sakte
tooba-e-bahishti hai tumhaara quad-e-raana
ham kyoonkar kahein sarw-e-iram kah nahi sakte
jo ham pe shab-e-hijr mein us maah-e-laqua ke
guzre hain zafar ranj o alam kah nahi sakte
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein