ham ne tiri khaatir se -e-zaar bhi chhoda
tu bhi na hua yaar aur ik yaar bhi chhoda
kya hoga rafoogar se rafoo mera garebaan
ai dast-e-junoon tu ne nahi taar bhi chhoda
din de ke gaya kufr ke bhi kaam se aashique
tasbeeh ke saath us ne toh zunnaar bhi chhoda
goshe mein tiri chashm-e-siyah-mast ke ne
ki jab se jagah khana-e-khu़mmaar bhi chhoda
is se hai ghareebon ko tasalli ki ajal ne
muflis ko jo maara toh na zardaar bhi chhoda
tedhe na ho ham se rakho ikhlaas toh seedha
tum pyar se rukte ho toh lo pyar bhi chhoda
kya chhodein aseeraan-e-mohabbat ko wo jis ne
sadque mein na ik murgh-e-giraftaar bhi chhoda
pahunchi miri ruswaai ki kyoonkar khabar us ko
us shokh ne toh dekhna akhbaar bhi chhoda
karta tha jo yan aane ka jhoota kabhi iquraar
muddat se zafar us ne wo iquraar bhi chhoda
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein