hai ko jo yaad aai falak-e-peer kisi ki
aankhon ke tale phirti hai tasweer kisi ki
girya bhi hai naala bhi hai aur aah-o-fughan bhi
par mein hui us ke na taaseer kisi ki
haath aae hai kya khaak tire khaak-e-kaf-e-pa
jab tak ki na quismat mein ho ikseer kisi ki
yaaro wo hai bigda hua baatein na banaao
kuchh pesh nahi jaane ki taqureer kisi ki
naazan na ho munaim ki jahan tera mahal hai
howegi yahan pahle bhi taameer kisi ki
meri girah-e-dil na khuli hai na khulegi
jab tak na khule zulf-e-girah-geer kisi ki
aata bhi agar hai toh wo phir jaae hai ulta
jis waqt ulat jaae hai taqudeer kisi ki
is abroo o mizgan se zafar tez ziyaada
khanjar na kisi ka hai na shamsheer kisi ki
jo dil se udhar jaae nazar dil ho giraftaar
mujrim ho koi aur ho taqseer kisi ki
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein