ye reaaya-e-hind tabah hui kahoon kya jo in pe jafa hui

jise dekha haakim-e-waqt ne kaha ye bhi quabil-e-daar hai

ye kisi ne zulm bhi hai suna ki di phaansi logon ko be-gunaah

wahi kalma-goyon ki samt se abhi dil mein un ke bukhaar hai

na tha shahar-e-dehli ye tha chaman kaho kis tarah ka tha yan aman

jo khitaab tha wo mita diya faquat ab toh ujda dayaar hai

yahi tang haal jo sab ka hai ye karishma qudrat-e-rab ka hai

jo bahaar thi so khizan hui jo khizan thi ab wo bahaar hai

shab-o-roz phool mein jo tule kaho khaar-e-gham ko wo kya sahe

mile tauque quaid mein jab unhein kaha gul ke badle ye haar hai

sabhi jaada maatam-e-sakht hai kaho kaisi gardish-e-bakht hai

na wo taaj hai na wo takht hai na wah shaah hai na dayaar hai

jo sulook karte the aur se wahi ab hain kitne zaleel se

wo hain tang charkh ke jaur se raha tan pe un ke na taar hai

na wabaal tan pe hai sar mira nahi jaan jaane ka dar zara

kate gham hee, nikle jo dam mira mujhe apni zindagi baar hai

kya hai gham zafar tujhe hashr ka jo khuda ne chaaha toh baramla

hamein hai waseela rasool ka wo hamaara haami-e-kaar hai