gaaliyan tanakhwaah thahri hai agar bat jaaegi
aashiquon ke ghar mithaai lab shakar bat jaaegi
roo-b-roo gar hoga yoosuf aur tu aa jaaega
us ki jaanib se zulekha ki bat jaaegi
rahaznon mein naaz-o-ghamza ki ye jins-e-deen-o-
joon mata-e-burda aakhir ham-digar bat jaaegi
hoga kya gar bol utthe ghair baaton mein miri
phir tabeeat meri ai bedaad gar bat jaaegi
daulat-e-duniyaa nahi jaane ki hargiz tere saath
baad tere sab yahin ai be-khabar bat jaaegi
kar le ai dil jaan ko bhi ranj-o-gham mein tu shareek
ye jo mehnat tujh pe hai kuchh kuchh magar bat jaaegi
moong chhaati pe jo dalte hain kisi ki dekhna
jootiyon mein daal un ki ai zafar bat jaaegi
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein