dekho insan ka putla bana kya cheez hai
bolta hai is mein kya wo bolta kya cheez hai
roo-b-roo us zulf ke daam-e-bala kya cheez hai
us nigah ke saamne teer-e-quaza kya cheez hai
yoon toh hain saare butan ghaarat-gar-e-iman-o-din
ek wo kaafir sanam naam-e- kya cheez hai
jis ne dil mera diya daam-e-mohabbat mein phansa
wo nahi maaloom muj ko naaseha kya cheez hai
howe ik quatra jo zahraab-e-mohabbat ka naseeb
khizr phir toh chashma-e-aab-e-baqua kya cheez hai
marg hi sehat hai us ki marg hi us ka ilaaj
ishq ka beemaar kya jaane dawa kya cheez hai
dil mira baitha hai le kar phir mujhi se wo nigaar
poochhta hai haath mein mere bata kya cheez hai
khaak se paida hue hain dekh ranga-rang gul
hai toh ye naacheez lekin is mein kya kya cheez hai
jis ki tujh ko justujoo hai wo tujhi mein hai zafar
dhoondata phir phir ke toh phir ja-b-ja kya cheez hai
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein