dekh ko mire o kaafir-e-be-peer na tod
ghar hai allaah ka ye is ki toh taameer na tod
ghul sada waadi-e-wahshat mein rakhoonga barpa
ai junoon dekh mire paanw ki zanjeer na tod
dekh tuk ghaur se aaeena-e- ko mere
is mein aata hai nazar aalam-e-tasweer na tod
taaj-e-zar ke liye kyoon shama ka sar kaate hai
rishta-e-ulfat-e-parwaana ko gul-geer na tod
apne bismil se ye kahta tha dam-e-nazaa wo shokh
tha jo kuchh ahad so o aashique-e-dil-geer na tod
raqs-e-bismil ka tamaasha mujhe dikhla koi dam
dast o pa maar ke dam tu tah-e-shamsheer na tod
saham kar ai zafar us shokh kaman-daar se kah
kheench kar dekh mire seene se tu teer na tod
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein