bhari hai mein jo hasrat kahoon toh kis se kahoon
sune hai kaun museebat kahoon toh kis se kahoon
jo tu ho saaf toh kuchh main bhi saaf tujh se kahoon
tire hai mein kudoorat kahoon toh kis se kahoon
na kohkan hai na majnoon ki the mire hamdard
main apna dard-e-mohabbat kahoon toh kis se kahoon
dil us ko aap diya aap hi pasheman hoon
ki sach hai apni nadaamat kahoon toh kis se kahoon
kahoon main jis se use howe sunte hi wahshat
phir apna quissa-e-wahshat kahoon toh kis se kahoon
raha hai tu hi toh gham-khwaar ai dil-e-gham-gin
tire siwa gham-e-furqat kahoon toh kis se kahoon
jo dost ho toh kahoon tujh se dosti ki baat
tujhe toh mujh se adaawat kahoon toh kis se kahoon
na mujh ko kahne ki taaqat kahoon toh kya ahwaal
na us ko sunne ki fursat kahoon toh kis se kahoon
kisi ko dekhta itna nahi haqueeqat mein
zafar main apni haqueeqat kahoon toh kis se kahoon
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein