baat karni mujhe mushkil kabhi aisi toh na thi
jaisi ab hai tiri mahfil kabhi aisi toh na thi
le gaya chheen ke kaun aaj tira o quaraar
be-quaraari tujhe ai kabhi aisi toh na thi
us ki aankhon ne khuda jaane kiya kya jaadoo
ki tabeeat miri maail kabhi aisi toh na thi
aks-e-rukhsaar ne kis ke hai tujhe chamkaaya
taab tujh mein mah-e-kaamil kabhi aisi toh na thi
ab ki jo raah-e-mohabbat mein uthaai takleef
sakht hoti hamein manzil kabhi aisi toh na thi
pa-e-kooban koi zindan mein naya hai majnoon
aati aawaaz-e-salaasil kabhi aisi toh na thi
nigah-e-yaar ko ab kyoon hai taghaaful ai dil
wo tire haal se ghaafil kabhi aisi toh na thi
chashm-e-quatil miri dushman thi hamesha lekin
jaisi ab ho gai quatil kabhi aisi toh na thi
kya sabab tu jo bigadta hai zafar se har baar
khoo tiri hoor-shamaail kabhi aisi toh na thi
Responses
No comments yet. Be the first to respond.
lagta nahin hai dil mera ujRe dayaar mein
kis ki bani hai aalam-e-na-paaydaar mein
umr-e-daraaz maang ke laaye the chaar din
do aarzu mein kaT gaye do intezaar mein
kitna hai bad-naseeb zafar dafn ke liye
do gaz zameen bhi na mili koo-e-yaar mein
na kisi ki aankh ka noor hoon na kisi ke dil ka qaraar hoon
jo kisi ke kaam na aa sake main vo ek musht-e-ghubaar hoon
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
bulbul ko baaghbaan se na sayyaad se gila
qismat mein qaid likhi thi fasl-e-bahaar mein