guzar gaya ab wo daur saaqui ki chhup ke peete the peene waale

banega saara jahaan maikhaana har koi baada-khwaar hoga

kabhi jo aawaara-e-junoon the wo bastiyon mein aa basenge

barahna-paai wahi rahegi magar naya khaar-zaar hoga

suna diya gosh muntazir ko hijaaz ki khaamushi ne aakhir

jo ahad sahraaiyon se baandha gaya tha par ustuwaar hoga

nikal ke sahra se jis ne rooma ki saltanat ko ulat diya tha

suna hai ye qudsiyon se main ne wo sher phir hoshiyaar hoga

kiya mira tazkira jo saaqui ne baada-khwaaron ki anjuman mein

toh peer maikhaana sun ke kahne laga ki munh phat hai khaar hoga

dayaar maghrib ke rahne waalo khuda ki basti dukan nahi hai

khara hai jise tum samajh rahe ho wo ab zar kam-ayaar hoga

tumhaari tahzeeb apne khanjar se aap hi khud-kushi karegi

jo shaakh-e-naazuk pe aashiyana banega naa-paaedaar hoga

safeena-e-barg-e-gul bana lega quafila mor-e-naa-taawan ka

hazaar maujon ki ho kashaakash magar ye dariya se paar hoga

chaman mein laala dikhaata phirta hai daagh apna kali kali ko

ye jaanta hai ki is dikhaawe se dil jalon mein shumaar hoga

jo ek tha ai nigaah tu ne hazaar kar ke hamein dikhaaya

yahi agar kaifiyat hai teri toh phir kise etibaar hoga

kaha jo quamri se main ne ik din yahan ke aazaad paagal hain

toh ghunche kahne lage hamare chaman ka ye raazdaar hoga

khuda ke aashique toh hain hazaaron banon mein phirte hain maare maare

main us ka bandaa banoonga jis ko khuda ke bandon se pyar hoga

ye rasm barham fanaa hai ai dil gunaah hai jumbish nazar bhi

rahegi kya aabroo hamaari jo tu yahan be-quaraar hoga

main zulmat-e-shab mein le ke nikloonga apne darmaanda kaarwan ko

shah nishan hogi aah meri nafas mira shola baar hoga

nahi hai ghair az numood kuchh bhi jo muddaa teri zindagi ka

tu ik nafas mein jahan se mitna tujhe misaal sharaar hoga

na poochh iqubaal ka thikaana abhi wahi kaifiyat hai us ki

kahin sar-e-raahguzaar baitha sitam-kash intizaar hoga