go is ki khudaai mein mahaajan ka bhi hai haath

duniyaa toh samajhti hai farangi ko khudaawand

tu barg-e-gaya hai na wahi ahal-e-khirad ra

o kisht-e-gul-o-laala b-bakhshad b-khare chand

haazir hain kaleesa mein kabaab o mai-e-gulgoon

masjid mein dhara kya hai b-juz mauiza o pand

ahkaam tire haque hain magar apne mufassir

taaweel se quraan ko bana sakte hain paazand

firdaus jo tera hai kisi ne nahi dekha

afrang ka har quarya hai firdaus ki maanind

muddat se hai aawaara-e-aflaak mira fikr

kar de ise ab chaand ke ghaaron mein nazar-band

fitrat ne mujhe bakhshe hain jauhar malaakooti

khaaki hoon magar khaak se rakhta nahi paiwand

darwesh-e-khuda-mast na sharqui hai na gharbi

ghar mera na dilli na safaahan na samarqand

kahta hoon wahi baat samajhta hoon jise haque

ne aabla-e-masjid hoon na tahzeeb ka farzand

apne bhi khafa mujh se hain begaane bhi naa-khush

main zahar-e-halaahal ko kabhi kah na saka quand

mushkil hai ik bandaa-e-haque-been-o-haque-andesh

khaashaak ke tode ko kahe koh-e-damaawand

hoon aatish-e-namrood ke sholon mein bhi khaamosh

main bandaa-e-momin hoon nahi daana-e-aspand

pur-soz nazar-baaz o niko-been o kam aarzoo

aazaad o giraftaar o tahi keesa o khursand

har haal mein mera dil-e-be-quaid hai khurram

kya chheenega ghunche se koi zauque-e-shakar-khand

chup rah na saka hazrat-e-yazdan mein bhi iqubaal

karta koi is bandaa-e-gustaakh ka munh band