phir -e-laala se raushan hue koh o daman
mujh ko phir naghmon pe uksaane laga murgh-e-
phool hain sahra mein yaa pariyan quataar andar quataar
oode oode neele neele peele peele pairhan
barg-e-gul par rakh gai shabnam ka moti baad-e-subh
aur chamkaati hai us moti ko sooraj ki kiran
husn-e-be-parwa ko apni be-naquabi ke liye
hon agar shahron se ban pyaare toh shahar achchhe ki ban
apne man mein doob kar pa ja suraagh-e-zindagi
tu agar mera nahi banta na ban apna toh ban
man ki duniyaa man ki duniyaa soz o masti jazb o shauque
tan ki duniyaa tan ki duniyaa sood o sauda makr o fan
man ki daulat haath aati hai toh phir jaati nahi
tan ki daulat chhaanw hai aata hai dhan jaata hai dhan
man ki duniyaa mein na paaya main ne afrangi ka raaz
man ki duniyaa mein na dekhe main ne shaikh o barahman
paani paani kar gai mujko qualandar ki ye baat
tu jhuka jab ghair ke aage na man tera na tan
Responses
No comments yet. Be the first to respond.
jo mein sar b sajda hua kabhi toh zamin se aane lagi sada
tira dil toh hai sanam aashna tujhe kya mile ga namaaz mein
kabhi jo aawaara-e junoon the wo bastiyon mein phir aa basin ge
barahna paai wahi rahe gi magar naya khaar zaar hoga
suna diya gosh muntazir ko hijaaz ki khaamushi ne aakhir
jo ahad sahraayeewan se baandha gaya tha phir ustuwaar hoga
dayaar maghrib ke rahne waalo khuda ki basti dukan nahi hai
khara jise tum samajh rahe ho wo ab zar kam ayyaar hoga
kaha jo qumri se mein ne ik din yahan ke aazaad pa b gul hain
toh ghunche kahne lage hamare chaman ka ye raazdaar hoga
na poochh iqubaal ka thikaana abhi wahi kaifiyat hai us ki
kahin sar rah guzaar baitha sitam kash intizaar hoga