majnoon ne shahar chhoda toh sahra bhi chhod de
nazzaare ki hawas ho toh laila bhi chhod de
waaiz kamaal-e-tark se milti hai yan muraad
duniyaa jo chhod di hai toh uqba bhi chhod de
taquleed ki rawish se toh behtar hai khud-kushi
rasta bhi dhoond khizr ka sauda bhi chhod de
maanind-e-khaama teri zaban par hai harf-e-ghair
begaana shay pe naazish-e-beja bhi chhod de
lutf-e-kalaam kya jo na ho dil mein -e-ishq
bismil nahi hai tu toh tadapna bhi chhod de
shabnam ki tarah phoolon pe ro aur se chal
is baagh mein quayaam ka sauda bhi chhod de
hai aashiqui mein rasm alag sab se baithna
but-khana bhi haram bhi kaleesa bhi chhod de
sauda-gari nahi ye ibaadat khuda ki hai
ai be-khabar jaza ki tamannaa bhi chhod de
achchha hai dil ke saath rahe paasbaan-e-aql
lekin kabhi kabhi ise tanha bhi chhod de
jeena wo kya jo ho nafas-e-ghair par madaar
shohrat ki zindagi ka bharosa bhi chhod de
shokhi si hai sawaal-e-mukarrar mein ai kaleem
shart-e-raza ye hai ki taquaza bhi chhod de
waaiz suboot laae jo mai ke jawaaz mein
iqubaal ko ye zid hai ki peena bhi chhod de
Responses
No comments yet. Be the first to respond.
jo mein sar b sajda hua kabhi toh zamin se aane lagi sada
tira dil toh hai sanam aashna tujhe kya mile ga namaaz mein
kabhi jo aawaara-e junoon the wo bastiyon mein phir aa basin ge
barahna paai wahi rahe gi magar naya khaar zaar hoga
suna diya gosh muntazir ko hijaaz ki khaamushi ne aakhir
jo ahad sahraayeewan se baandha gaya tha phir ustuwaar hoga
dayaar maghrib ke rahne waalo khuda ki basti dukan nahi hai
khara jise tum samajh rahe ho wo ab zar kam ayyaar hoga
kaha jo qumri se mein ne ik din yahan ke aazaad pa b gul hain
toh ghunche kahne lage hamare chaman ka ye raazdaar hoga
na poochh iqubaal ka thikaana abhi wahi kaifiyat hai us ki
kahin sar rah guzaar baitha sitam kash intizaar hoga