apni jaulan-gaah zer-e-aasman samjha tha main
aab o gil ke khel ko apna jahan samjha tha main
be-hijaabi se tiri toota nigaahon ka tilism
ik rida-e-neel-goon ko aasman samjha tha main
thak kar faza ke pech-o-kham mein rah gaya
mehar o maah o mushtari ko ham-inan samjha tha main
ki ik jast ne tay kar diya quissa tamaam
is zameen o aasman ko be-karan samjha tha main
kah gain raaz-e-mohabbat parda-daari-ha-e-shauque
thi fughan wo bhi jise zabt-e-fughan samjha tha main
thi kisi darmaanda rah-rau ki sada-e-dardanaak
jis ko aawaaz-e-raheel-e-kaarwan samjha tha main
Responses
No comments yet. Be the first to respond.
jo mein sar b sajda hua kabhi toh zamin se aane lagi sada
tira dil toh hai sanam aashna tujhe kya mile ga namaaz mein
kabhi jo aawaara-e junoon the wo bastiyon mein phir aa basin ge
barahna paai wahi rahe gi magar naya khaar zaar hoga
suna diya gosh muntazir ko hijaaz ki khaamushi ne aakhir
jo ahad sahraayeewan se baandha gaya tha phir ustuwaar hoga
dayaar maghrib ke rahne waalo khuda ki basti dukan nahi hai
khara jise tum samajh rahe ho wo ab zar kam ayyaar hoga
kaha jo qumri se mein ne ik din yahan ke aazaad pa b gul hain
toh ghunche kahne lage hamare chaman ka ye raazdaar hoga
na poochh iqubaal ka thikaana abhi wahi kaifiyat hai us ki
kahin sar rah guzaar baitha sitam kash intizaar hoga