phir gai aap ki do din mein tabeeat kaisi
ye wafa kaisi thi saahab ye murawwat kaisi
dost ahbaab se hans bol ke kat jaaegi
rind-e-aazaad hain ham ko -e-furqat kaisi
jis hasin se hui ulfat wahi maashooque apna
ishq kis cheez ko kahte hain tabeeat kaisi
hai jo quismat mein wahi hoga na kuchh kam na siwa
aarzoo kahte hain kis cheez ko hasrat kaisi
haal khulta nahi kuchh dil ke dhadakne ka mujhe
aaj rah rah ke bhar aati hai tabeeat kaisi
koocha-e-yaar mein jaata toh nazaara karta
quais aawaara hai jangal mein ye wahshat kaisi
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin