hoon main parwaana magar shama toh ho toh ho
jaan dene ko hoon maujood koi baat toh ho
bhi haazir sar-e-tasleem bhi kham ko maujood
koi markaz ho koi quibla-e-haajaat toh ho
dil toh bechain hai izhar-e-iraadat ke liye
kisi jaanib se kuchh izhar-e-karaamaat toh ho
dil-kusha baada-e-saafi ka kise zauque nahi
baatin-afroz koi peer-e-kharaabaat toh ho
guftani hai dil-e-pur-dard ka quissa lekin
kis se kahiye koi mustafsir-e-haalaat toh ho
daastaan-e-gham-e-dil kaun kahe kaun sune
bazm mein mauqua-e-izhar-e-khayaalaat toh ho
waade bhi yaad dilaate hain gile bhi hain bahut
wo dikhaai bhi toh dein un se mulaaquat toh ho
koi waaiz nahi fitrat se balaaghat mein siwa
magar insaan mein kuchh faham-e-ishaaraat toh ho
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin