halque nahi hain zulf ke halque hain jaal ke
han ai -e-shauque zara dekh-bhaal ke
pahunche hain ta-kamar jo tire gesoo-e-rasa
maani ye hain kamar bhi baraabar hai baal ke
bos-o-kanaar-o-wasl-e-haseenan hai khoob shaghl
kamtar buzurg honge khilaaf is khayaal ke
quamat se tere saane-e-qudrat ne ai hasin
dikhla diya hai hashr ko saanche mein dhaal ke
shaan-e-dimaagh ke jalwe se ye badhi
rakhta hai hosh bhi quadam apne sambhaal ke
zeenat muqaddama hai museebat ka dahar mein
sab shama ko jalaate hain saanche mein dhaal ke
hasti ke haque ke saamne kya asl-e-in-o-aan
putle ye sab hain aap ke waham-o-khayaal ke
talwaar le ke uthta hai har taalib-e-farogh
daur-e-falak mein hain ye ishaare hilaal ke
pecheeda zindagi ke karo tum muqaddame
dikhla hi degi maut nateeja nikaal ke
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin