charkh se kuchh thi hi nahi
aarzoo main ne koi ki hi nahi
mazahbi bahas main ne ki hi nahi
faaltoo aql mujh mein thi hi nahi
chaahta tha bahut si baaton ko
magar afsos ab wo ji hi nahi
juraat-e-arz-e-haal kya hoti
-e-lutf us ne ki hi nahi
is museebat mein dil se kya kahta
koi aisi misaal thi hi nahi
aap kya jaanein quadr-e-yaa-allaah
jab museebat koi padi hi nahi
shirk chhoda toh sab ne chhod diya
meri koi sosaaiti hi nahi
poochha akbar hai aadmi kaisa
hans ke bole wo aadmi hi nahi
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin