be-takalluf bosa-e-zulf-e-chaleepa leejiye
naqd-e- maujood hai phir kyoon na sauda leejiye
toh pahle le chuke ab jaan ke khwaahan hain aap
is mein bhi mujh ko nahi inkaar achchha leejiye
paanw pakad kar kahti hai zanjeer-e-zindan mein raho
wahshat-e-dil ka hai ima raah-e-sahra leejiye
ghair ko toh kar ke zid karte hain khaane mein shareek
mujh se kahte hain agar kuchh bhook ho kha leejiye
khush-numa cheezein hain bazaar-e-jahan mein be-shumaar
ek naqad-e-dil se yaa-rab mol kya kya leejiye
kushta aakhir aatish-e-furqat se hona hai mujhe
aur chande soorat-e-seemaab tadpa leejiye
fasl-e-gul ke aate hi akbar hue behosh aap
kholiye aankhon ko saahab jaam-e-sahba leejiye
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin