agar waaquif-e-nairangi-e-tab-e-sanam hota
zamaane ki do-rangi ka use hargiz na hota
ye paaband-e-museebat dil ke haathon ham toh rahte hain
nahi toh chain se katti na dil hota na gham hota
unhin ki be-wafaai ka ye hai aathon-pahar sadma
wahi hote jo quaboo mein toh phir kaahe ko gham hota
lab-o-chashm-e-sanam gar dekhne paate kahin shaair
koi sheerin-sukhan hota koi jaadoo-raqam hota
bahut achchha hua aae na wo meri ayaadat ko
jo wo aate toh ghair aate jo ghair aate toh gham hota
agar quabrein nazar aatin na daara-o-sikandar ki
mujhe bhi ishtiyaaque-e-daulat-o-jaah-o-hasham hota
liye jaata hai josh-e-shauque ham ko raah-e-ulfat mein
nahi toh zof se dushwaar chalna do-quadam hota
na rahne paae deewaaron mein rauzan shukr hai warna
tumhein toh dil-lagi hoti ghareebon par sitam hota
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin