aankhein mujhe talwon se wo malne nahi dete
armaan mire ke nikalne nahi dete
khaatir se tiri ko talne nahi dete
sach hai ki hamin dil ko sambhalne nahi dete
kis naaz se kahte hain wo jhunjhala ke shab-e-wasl
tum toh hamein karwat bhi badalne nahi dete
parwaanon ne faanoos ko dekha toh ye bole
kyoon ham ko jalaate ho ki jalne nahi dete
hairaan hoon kis tarah karoon arz-e-tamannaa
dushman ko toh pahloo se wo talne nahi dete
dil wo hai ki fariyaad se labrez hai har waqt
ham wo hain ki kuchh munh se nikalne nahi dete
garmi-e-mohabbat mein wo hain aah se maane
pankha nafas-e-sard ka jhalne nahi dete
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin