aaj aaraaish-e-gesoo-e-dota hoti hai
phir miri jaan giraftaar-e-bala hoti hai
shauque-e-pa-bosi-e-jaanan mujhe baaqui hai hanooz
ghaas jo ugti hai turbat pe hina hoti hai
phir kisi kaam ka baaqui nahi rahta insan
sach toh ye hai ki mohabbat bhi bala hoti hai
jo zamin koocha-e-quatil mein nikalti hai nai
waqf wo bahar-e--e-shohda hoti hai
jis ne dekhi ho wo chitwan koi us se poochhe
jaan kyoon-kar hadaf-e-teer-e-quaza hoti hai
naza ka waqt bura waqt hai khaalique ki panaah
hai wo saaat ki quayaamat se siwa hoti hai
rooh toh ek taraf hoti hai rukhsat tan se
aarzoo ek taraf se juda hoti hai
khud samajhta hoon ki rone se bhala kya haasil
par karoon kya yoonhi taskeen zara hoti hai
raundate phirte hain wo majma-e-aghyaar ke saath
khoob tauqueer-e-mazaar-e-shohda hoti hai
murgh-e-bismil ki tarah lot gaya dil mera
nigah-e-naaz ki taaseer bhi kya hoti hai
naala kar lene dein lillaah na chhedein ahbaab
zabt karta hoon toh takleef siwa hoti hai
jism toh khaak mein mil jaate hue dekhte hain
rooh kya jaane kidhar jaati hai kya hoti hai
hoon fareb-e-sitam-e-yaar ka quail akbar
marte marte na khula ye ki jafa hoti hai
Responses
No comments yet. Be the first to respond.
hungaama hai kyun barpa thoRi si jo pee li hai
daaka to nahin daala chori to nahin ki hai
duniya mein hoon duniya ka talabgaar nahin hoon
baazaar se guzra hoon khareedaar nahin hoon
hum aah bhi karte hain to ho jaate hain badnaam
vo qatl bhi karte hain to charcha nahin hota
ishq naazuk-mizaaj hai behad
aql ka bojh uTha nahin sakta
rahega ishq-e-but mein faraq dunia se deeni ka
agar ye sajda hai kaabe ka vo sajda hai kuchh aur
rahta sukhan se naam qayaamat talak hai
ye zinda-jaaved hai vo murda-zabaan nahin